<$BlogRSDUrl$>

30. maí 2004

LJÓTAR HLJÓMSVEITIR
























Varð bara að pósta þennan link. Ljótustu hljómsveitir allra tíma...

29. maí 2004

GRILLPARTÝ

BlåGul - bjargvættur námsmannsinsNú er að hefjast grillpartý að Kämnärsvägen 8 C112, 226 45 Lundi, Svíþjóð. Þeir Íslendingar sem og Sómalar og Svíar sem við þekkjum boðnir. Boðið verður upp á belju og sallat en mælt er með að fólk taki með sér kjötið og bjórinn. Er einmitt búinn að poppa upp einn ískaldan BlåGul, en sá góði öl er bjargvættur námsmanna og kostar út úr Systembolaget (ríkinu) sænskar krónur 8.90! Eða um 80 kallinn! Geri Davíð betur!¨

Bið að heilsa heim,
Halli

26. maí 2004

Elín Eldgamla

Komin á 25 ára bömmerinn, Búin að lifa í aldarfjórðung. Blóm og kransar vinsamlegast afþakkaðir. Bendi á styrktarsjóð erlendra stúdentans í Lundi 0303-26-31356. Orðin gömul ennþá í skóla og hef aldrei átt bíl...en er búin að eiga sama pottablómið í bráðum 2 ár...ætti kannski að skreppa fram og vökva. Afmælisdagurinn var indæll út að borða góðan kínamat og svo afslappelsi. Takk fyrir matinn elsku Halli minn. Svo verður grillpartý á laugardaginn og vonandi verður sól.

Pirr Dagsins:
Sænsk fyrirtæki sem hafa tekið upp aggressíva ameríska markaðstækni. Eins og símafyrirtækið Tele2 aka. símafyrirtæki dauðans. Ekki hægt að fara út í Willys og kaupa sér mjólk í kaffið án þess að eitthvað skærbrosandi lið spurji hvaða símafyrirtæki maður notar...málið er að það kemur þeim bara ekki rassgat við. Maður er ekki eingungis óhultur út í búð heldur líka innan veggja heimilisins. Síminn hringir...hver getur þetta verið...góðan daginn ég er að hringa frá símafyrirtæki dauðans...má bjóðar þér tilboð sem þú getur ekki neitað...nei nei nei svarið er það sama og þegar þið hringduð í gær. Ég er eins og asninn sem neita að láta draga mig upp í kerruna...
asni and proud of it

ELÍN ELDRI

Elín er orðin eldri, fyllir nú aldarfjórðung og lífsreyndari persóna frá og með fyrir tveimur dögum. Hef verið þess heiðurs aðnjótandi að þekkja hana í um 1/4 hluta hennar æviskeiðs. Takk og til hamingju dúllan mín!

Annars er maður bara búinn í skólanum og hefur ekkert að gera fyrr en Jón Leifs bankar upp á með partítúrinn sinn (sendir líklegast fulltrúa sinn þar sem hann er undir grænni torfu undanfarin misseri). Vonast til að fá e-n pappírssnepil upp á það að ég sé með Mag. Phil í tónsmíðum, svona svo ég geti hengt það kotroskinn upp á vegg.

Það var gestagangur um helgina. Tókum á móti Hannesi, Eddu og þeirra Baldvini Þór. Ákaflega gaman að fá þau þó dvölin hafi verið stutt. Hannes dröslaðist með partítúr handa mér milli landa, en það dugði skammt þar sem ITM gerði mistök og sendi rangan partítúr. Jæja, takk samt. Held þau hafi fengið nasaþefinn af bæjarlífinu þrátt fyrir að hafa komið á sunnudegi, en þá liggja Lundabúar í hýði og allt er meira og minna lokað.

Við Elín fórum svo út að borða til að fagna tímamótunum á mánudagskvöldið. Hún hefur lítið breyst síðan hún varð 25 ára, ögn fullorðnislegri ef eitthvað.

Fyrst maður er svo atvinnulaus í viku þá er um að gera að taka þátt í félagslífinu. Erum boðin í grill í kvöld, fótbolti á morgun, Ella fer á stelpukvöld á föstudag og svo heldur hún opinbert afmælisteiti á laugardaginn. Síðan eru akkúrat tvær vikur í það að við förum til Prag. Jibbí!


21. maí 2004

Hei Hó
Núna eru nákvæmlega 3 sólarhringar þangað til ég verð 25 ára. Það gerist kl 08.00 að morgni á íslenskum staðartíma. Ég ætla bara að chilla um helgina fram á sunnudag þá fáum við gesti frá "The old country" í góðum stemmara, vonandi verður grillveður...Hannes, Edda og Baldvin...hlakka geðveikt til að fá ykkur í heimsókn. Ælta ekki að íþyngja ykkur með frekara blaðri fyrir utan pirr dagsins sem er ansi feitt í dag...
Pirr Dagsins: Nágranni okkar á efri hæðinni er pirr dagsins eftir að hann vakti mig með gargi kl.9 ekki að það sé sérstaklega snemma, það er bara aldrei gaman að vakna við garg, öskur og svívirðingar...í rúman hálftíma..gæinn er eitthvað sækó. Við Halli erum að reyna að analýsera hann í gegnum öskrinn...þetta er svona annars chillaður og rólegur gæi sem fær greinilega köst af einhverju tagi...þar sem maður heyrir trömp og öskur. Allar ábendingar frá leikmönnum og sérfræðingum eru vel þegnar...sem betur fer er veðrið gott og það er alltaf eitthvað.

18. maí 2004

HRAUNIÐ Á NETIÐ!

Fyrir þá fjöldamörgu aðdáendur mína á Íslandi hef ég ákveðið að leka nýjasta afrekinu, Hrauni, á netið. Þið getið nálgast það hér fyrir neðan, annað hvort að klikka og hlusta eða að hægri smella og velja "save target as". Mæli með að hátalarnir séu stilltir hófsamlega því styrksveiflurnar í þessu eru hrikalegar.

HRAUN.mp3

Annars lítið að frétta, erum vel brennd eftir góðan mánudag úti í sólinni sem endaði með grilli á Studentlyckan. Á morgun er svo innflutningsteiti hjá Filip og Emelie. Um helgina ætla Hannes, Edda og Baldvin Þór að reka inn nefið og verður frábært að fá þau. Svo það er ekkert nema glens framundan hjá okkur! Stemmning!

Kveðjur,
Halli

15. maí 2004

EUROVISION-DAGURINN

Nú er uppáhaldsdagur allra tónelskra Íslendinga runninn upp, sjálfur Evrusýnardagurinn. Því miður verðum við Ella fjarri íslenzku gamni að þessu sinni, en þó ekki á verri stað. Það hefur sýnt sig að Svíar eru líka yfir sig ástfangnir að þessari keppni og spáð er að yfir 3 milljónir Svía setjist fyrir framan sjónvarpið og dáist að Jónsa. Svíar eru yfirleitt jákvæðir í garð Jónsa, þó ég fari ekki ofan af því að þetta sé eitt slakasta framlag Íslendinga síðan Sjúbídú. Engu að síður er maður spenntur að sjá örlög söngvarans ráðast í kvöld. Við erum boðin í sænsktevruteiti í kvöld hjá Donnie vini hans Gumma (bróður Ellu) sem er staddur hér á landi í heimsókn. Vonumst við til að þetta verði mögnuð upplifun. Ég vil nota tækifærið og óska Jónsa góðs gengis, þrátt fyrir svartsýnisrausið í mér...

Tónleikarnir í gær voru vel heppnaðir. Stykkið mitt var gjörsamlega andstætt öllu því sem ég hef áður gert, svart og ómelódískt, en heppnaðist vel og ég er ánægður. Margur góður gesturinn kom á tónleikana - Aðdáendaklúbbur Lunds mætti: Hugrún, Filip, Þóra og Dagný ásamt Ellu minni og það var ákaflega góð tilfinning að hafa stuðning vina úr sal. Þeink jú þeink jú þeink jú!!! Er þegar búinn að fá jákvæð viðbrögð stjórnanda og kennara, en er ekki viss um að áheyrendur hafi gripið þessar sjö mínútur sem verkið stóð yfir. Ætla að leka upptöku af verkinu á netið á næstu dögum fyrir forvitna lesendur þessarar vitleysu.

Annars. Erum á leiðinni í lokahóf tónsmíðadeildarinnar sem haldin er heima hjá Rolf Martinsson, tónsmíðakennara. Ætlum svo þaðan í alsænskt evrusýnarpartýið hjá Donnie, enda værum við ekki sannir Íslendingar að sleppa svo mikilvægri keppni...

Góða helgi,
Halli

13. maí 2004

AUGLÝSING

Bjarte EngesetHádegistónleikar á morgun, föstudaginn 14.maí kl.12.15 í konserthúsinu í Helsingborg. Frítt inn!

Flytjendur:
Sinfóníuhljómsveit Helsingborgar undir stjórn Bjarte Engeset

Magnus Johansson: I change - Einleikur á píanó: Dan Lindén
Erik Berndalen (úts.):
Sarcasm nr. 3 eftir Prokofiev
: Dreams of Nemo (tölvuleikjatónlist)
Cecilia Franke (úts.): Golliwog´s Cake Walk e. Debussy
Jonas Nydesjö: Engine
Nils-Petter Ankarblom: Fireflies - einsöngur: Eiko Furukawa, sópran
Haraldur Sveinbjörnsson: Hraun

Vonast til að sjá Íslendingafélagið í Skövde og landabruggara í Ängelholm fjölmenna ásamt öðrum góðum íslendingum sem og öðrum allraþjóðakvikindum.

Ave,
Halli

11. maí 2004

ELLA ER PRÚÐULEIKARINN...

piggy jpeg
You are Miss Piggy.
You are talented and the center of attention. At
least you'd like to think you are. You're
really just a pig.

FAVORITE EXPRESSIONS:
"Moi", "Moi" and
"Moi!"
LAST BOOK READ:
"Women Who Run With Frogs And The Frogs Who
Better Wise Up Quick"

FAVORITE MOVIE:
"To Have and Have More"

DRESS SIZE:
If it's expensive, it fits.

BEST FEATURES:
Eyes, eyebrows, eyelashes, nose, cheeks, hair,
ears, neck, shoulders, arms, elbows, hands,
fingers, legs, knees, ankles, feet, toes and so
on and so forth.

SPECIAL ABILITIES:
Singing, Dancing, Directing, Producing, Writing,
Starring, and Being Famous.


What Muppet are you?
brought to you by Quizilla

HALLI ER PRÚÐULEIKARINN...

rowlf jpeg
You are Rowlf.
You are a loner, and love classical music, You can
play the piano without opposable thumbs. Then
again, you are just a Muppet.

ALSO KNOWN AS:
Ol' Brown Ears
HOBBIES:
Piano playing, punning, fetching.

QUOTE:
"My bark is worse than my bite, and my piano
playing beats 'em both."

FAVORITE MOVIE:
"The Dogfather"

FAVORITE COMPOSER:
Poochini

FAVORITE SONG:
"I've Never Harmed An Onion, So Why Should
They Make Me Cry?"


What Muppet are you?
brought to you by Quizilla

Komin heim frá Malmö
Þetta hefur verið frekar súr helgi í það heila séð,,,videógláp og súrir raftónleikar. Föstudagurinn var klassískt sjónvarpsgláp og nammi. Halli þurfti að mæta á tónleika í hádeginu þannig að ég skellti mér á markaðinn og hitti þar Hugrúnu og Gutta...endaði með pönsuáti og rummikubb spili í nettum gír. Á laugardagskvöldið komu Hugrún Gutti og Þóra til að borða pítsu og horfa á hina súru vampírumynd Near Dark. Síðan var horft á Misery. Á sunnudaginn var þvottadagur og tónleikar með rafverkinu hans Halla í Malmö...Verkið hans var að sjálfsögðu best...sum tónskáld taka sig virkilega of alvarlega. Í gær skrifaði ég svo heilar tvær blaðsíður í ritgerðinni, jei jei jei og við skelltum okkur í ræktina í fyrsta skipti í allt of langan tíma. Halli fór svo á æfingu með helsingborgarsinfóniunni (vá langt orð) eldsnemma í morgun og ég er að blogga í staðinn fyrir að læra...

Pirr dagsins:Tónskáld með tagl, kringlótt gleraugu (eða svört ferköntuð) sem eru í rúllukragapeysum og semja hundleiðinlega músik...sem betur fer bý ég með rokkara

8. maí 2004

Er aðeins minna pirruð út í Skånetrafiken, þeir sendu mér boðsmiða í strætó til Malmö sem ég ætla að nýta mér til að fara á tónleikana hans Halla á morgun...

7. maí 2004

ELEKTRISK HELG

Rafmögnuð helgi framundan. Verkið Ariel I verður flutt á hátíðinni Elektrisk Helg sem haldin er í Malmö, nánar tiltekið á sunnudagskveldið kl.20.00.

Fleiri konsertar um helgina. Skóla"félagi" minn Adam Skinner heldur tónleika á laugardaginn með bandi sínu SkinnerSoul. Hann er 36 ára ráðríkur og óstabíll geðsjúklingur og "tónlistarmaður" í frístundum. Semur "ítalskar poppballöður, fönk og salsa" milli þess sem hann hringir í mig og röflar yfir nótnaforritinu Sibelius (en ég er svo óheppinn að vera eini maðurinn í skólanum sem kann á það). Hann er nota bene í klassískri tónsmíðadeild. Skilst á samnemendum hans að hann verði fyrsti maðurinn í sögu skólans sem verður rekinn. Varð þess vafasama heiðurs aðnjótandi að gista í stofunni heima hjá honum í Stokkhólmi veturinn 2002 á tónlistarhátíð. Eftir að hafa spjallað við hann í klukkutíma var hann farinn að spyrja ráða um kvenfólk, sagði með grátstafina í kverkunum hann hafi slitið samvistum við stúlku fyrir ári síðan og væri ekki enn búinn að ná sér. Og égg var búinn að þekkja manninn í klukkutíma! Adam Skinner fór líka að sofa kl. níu á kvöldin og vaknaði svo á miðnætti, hringdi í fólk til tvö og var svo farinn í morgunbítið. Bókahillurnar hjá honum voru yfirfullar af nýaldarbókum og mælti hann sérstaklega með bókinni The Biggest Secret. Bókin gengur út á það að jörðinni sé stjórnað af ofurgreindum eðlum sem búa neðanjarðar og geti breytt sér í menn eftir behag - t.d. sé breska konungsfjölskyldan, Bill Clinton og Oprah allt eðlur í mannslíki.
Endaði með því að ég þakkaði pent fyrir mig og flúði á farfuglaheimili. Plís ekki vorkenna honum samt - þið þekkið hann ekki og munið vonandi aldrei gera það.

Annars vorum við í fótbolta á miðvikudagseftirmiðdag sem endaði í pizzu, bjór og Chelsea-Monaco. Ansi skemmtilegt. Hitastig undanfarinna daga hefur verið vel yfir meðallagi og skilst mér að met hafi verið slegið í gær. Allavegna búið að vera í kringum 20 stigin undanfarna daga. Í dag, föstudag er hinsvegar frekar leiðinlegt veður, skýjað og rok (á Íslandi kallast það gjóla).

Bestu kveðjur og varið ykkur á eðlunum,
Halli

5. maí 2004

Ferðalag
Ég fór í "bekkjarferðalag" með skólafélögum ásamt prófessor Söru Goodman til eyjarinnar Ven fyrir utan Landskrona. Þetta var í heild sinni mjög lukkuð ferð þrátt fyrir hina skánsku þoku og smá rigningarúða. Við löbbuðum þvert yfir eyjuna og tókum svo strætó til baka til að missa ekki af ferjunni heim. Þegar heim var komið lagðist ég beint upp í sófa of hóf mitt sjónvarpsgláp að venju.

Pirr Dagsins:
Almenningssamgöngur á Skáni í Svíþjóð eru reknar af fyrirtæki sem heitir Skånetrafiken - samt eru allskonar undirfyrirtæki líka innblönduð, stadstrafiken í Lundi, Stadstrafiken i Malmö, Pågatågen (lókal lestirnar) osvrf. Svo getur matur keypt sér svona digital afsláttarkort sem gefur manni 20% af ferðum á skáni sem er fínt...en miðarnir eru rafrænir (á svona korti) og það er alltaf eitthvað vesen!! Ef maður t.d kaupir miða í Lundi til Malmö (miðinn á að gilda í strætó í malmö) þá endar það oftar en ekki á einhverjum súrum strætóbílstjóra sem rukkar mann upp á nýtt eða horfir á mann eins og maður sé fæðingarhálfviti af því að maður fattar ekki þetta digital system og miða með AI. Svo þegar við fórum til Ven gátum við keypt miða sem gilti í Lest og Ferju hérna frá Lundi, no problemo en þegar við komum í ferjuna byrjaði einhver gamall kall sem vann fyrir Ven-trafiken að rífa kjaft út af miðunum okkar...þeir voru skrítnir fannst honum (maður fær sem betur fer pappírskvittun annars værum við Screwd). Þannig að þetta kort er bara af hinu góða að öllu leyti nema það vantar einhvert samræmingar element milli fyrirtækja sem starfa undir hatti Skånetrafiken....pirr pirr pirr (ég held að þetta verði pirr vikunnar arg!!)

4. maí 2004

SLÆM PLÖTUUMSLÖG

Allt í góðri trú Örugglega nokkrir búnir að berja þetta augum - samt er þetta hilaríös! Smellið á myndina til að sjá meira...

Hér má sjá fleiri slæm umslög...

Annars ekkert að frétta...

Kv,
Halli

3. maí 2004

NOKKRIR FRÉTTAPUNKTAR

Vei! Skv. mælinum hefur síðan okkar verið skoðuð 2006 sinnum! Það er bara ásættanlegt og greinilegt að við erum ekki gleymd hér fjarri Íslands ströndum.

Nú er Elín á eyjunni Ven hér vestan við Landskrona að slappa af með skólakollegum sínum. Ég sit því hér heima og geri ósköp lítið - mestur tíminn fer í að huxa hvað ég eigi eiginlega að gera. Er reyndar að þvo svo ég hlýt að fá nokkur stig fyrir það.

Síðasti fótboltaleikur Gylfaginningar IK fór fram í gær. 17-0. Vorum næstum búin að skora. Jæja, allavegna ágætis líkamsrækt.

Var hálf andvaka í nótt út af engu. Var mikið að spá í nýjum meiningum á orðum í íslenskri túngu. Fann tvær nýjar túlkanir á eldri orðum:
Auðmjúkur: E-r með lítið áfengisþol
Geimvera: Djammari, e-r sem er alltaf til í geim

Svona fer ef maður hefur verið of lengi í námi erlendis. Eins gott að maður fari bara að drífa sig heim...

Eitthvað tómlegt blogg - held ég haldi áfram að þvo...

Kveðja að austan,
Halli

2. maí 2004

Letidagar!!

Partýið hjá henni Sofi endaði bara í góðu stuði á skemmtistaðnum Sargasso, Þóra og Dagný tóku áskóruninni á blogginu og hringdu í gemsann í góðu stuði. Þetta endaði með kebab og svo taxa heim rúmlega þrjú. Í gær gerðum við svo ekki neitt!! (og það á frídegi verkamanna 1.Maí) Sjónvarp og vídeó réðu ferðinni fyir utan stutta hjólaferð á næsta hamborgarajoint og síðan í willys á leiðinni heim að kaupa nammi!!
Dagurinn í dag virðist einnig verða frekar tilgangslítill. Halli er að vísu að fara að spila síðasta fóbóltaleikin með Gylfagynning IK vonandi gengur það allt á besta veg. Annars erum við allt gengið farin að spila fótbolta á næsta útivelli klukkan fimm á miðvikudögum og undirrituð hefur spilað einu sinni,,,,kannski er ég bara hidden talent (he he)...Ég er annars bara svo súr í dag að ég er ekki pirruð yfir neinu (ætti kannski að hringja í moggan). Pirr dagsins verður að bíða pirraðri dags!!

Kveðjur frá Sófakarteflunni....

This page is powered by Blogger. Isn't yours?