2. október 2003
...OG HAFMEYJAN KALLAR
Karl faðir minn rak inn nefið á mánudaginn og átti með okkur ágætis stund þar sem við elduðum góðan mat og enduðum á hverfispöbbnum. Þar sem hann gisti hjá Danna frænda fór hann yfir með lestinni seint um kvöldið. Hann er þá síðasti náskyldi ættingi minn sem dúkkar upp í sjálfsmorðskubbunum svokölluðu (íbúðinni okkar). Já, þessar blessuðu 21 fermetra íbúðir eru víst ekki hannaðar með geðvernd og heilsusamleg samskipti aðþrengdra íbúa í huga.
Dagarnir þaráeftir hafa snúist um heimaprófið hjá Ellu og Jónka Leifs sem loksins sér fyrir endann á. Myndi gefa mér hæ fæf ef hann væri meðal okkar nú.
Eftir frekar tíðindalitla viku þareftir(fyrir utan helgina - Hrefna Hlín í heimsókn aðra helgina í röð, stuð og djamm) er kominn tími til að heimsækja mína ástkæru systur í landi flæðandi veiga, Danmörku. Sætir tíðindum þar sem ekki hefur verið lagst í víking í þó nokkurn tíma. Fyrst ber þó að halda skammarræðu yfir hinu sænska fyrirtæki, SJ, sem ber ábyrgð á lestarsamgöngum á milli grannanna. Þeir hafa semsagt ákveðið að leggja alfarið niður stúdentaafslátt af lestarmiðum sem þýðir raunhækkun upp á rúmlega 100% - úr 50 krónum í 105 krónur. Þið getið rétt ímyndað okkur fúkyrðin sem þutu um sali heilans þegar okkur varð þetta ljóst á söluskrifstofu okraranna. Hæg-ðir!
Helgin framundan spennandi. Erum búin að finna nokkrar heilasellur sem okkur dauðlangar að losna við. Danni frændi hýsir okkur þrjú út á Amager. Ekki verra þarsem hann er nýbúinn að koma ofni upp á loft, sem kemur sér vel í næturkuldanum.
Tímasetningin var alveg óvart. Danir þurftu nefnilega að lækka áfengisskattinn um 47% þann 1.okt og flestallir Svíar urðu grænir af öfund á meðan Danirnir urðu grænir af þynnku. Nú flýja Svíar í stórum stíl yfir landamærin til að fjárfesta í vodka á 1500 kall o.s.frv. Danirnir hafa hinsvegar miklar áhyggjur af að þetta auki neysluna (hún er 12 lítrar á hvert dannsbarn per ár tak for kaffet). Við gerum eins og hinir, flýjum kofann og þeysum yfir í land ofeldisins yfir helgina...
Kv,
H.
Karl faðir minn rak inn nefið á mánudaginn og átti með okkur ágætis stund þar sem við elduðum góðan mat og enduðum á hverfispöbbnum. Þar sem hann gisti hjá Danna frænda fór hann yfir með lestinni seint um kvöldið. Hann er þá síðasti náskyldi ættingi minn sem dúkkar upp í sjálfsmorðskubbunum svokölluðu (íbúðinni okkar). Já, þessar blessuðu 21 fermetra íbúðir eru víst ekki hannaðar með geðvernd og heilsusamleg samskipti aðþrengdra íbúa í huga.
Dagarnir þaráeftir hafa snúist um heimaprófið hjá Ellu og Jónka Leifs sem loksins sér fyrir endann á. Myndi gefa mér hæ fæf ef hann væri meðal okkar nú.
Eftir frekar tíðindalitla viku þareftir(fyrir utan helgina - Hrefna Hlín í heimsókn aðra helgina í röð, stuð og djamm) er kominn tími til að heimsækja mína ástkæru systur í landi flæðandi veiga, Danmörku. Sætir tíðindum þar sem ekki hefur verið lagst í víking í þó nokkurn tíma. Fyrst ber þó að halda skammarræðu yfir hinu sænska fyrirtæki, SJ, sem ber ábyrgð á lestarsamgöngum á milli grannanna. Þeir hafa semsagt ákveðið að leggja alfarið niður stúdentaafslátt af lestarmiðum sem þýðir raunhækkun upp á rúmlega 100% - úr 50 krónum í 105 krónur. Þið getið rétt ímyndað okkur fúkyrðin sem þutu um sali heilans þegar okkur varð þetta ljóst á söluskrifstofu okraranna. Hæg-ðir!
Helgin framundan spennandi. Erum búin að finna nokkrar heilasellur sem okkur dauðlangar að losna við. Danni frændi hýsir okkur þrjú út á Amager. Ekki verra þarsem hann er nýbúinn að koma ofni upp á loft, sem kemur sér vel í næturkuldanum.
Tímasetningin var alveg óvart. Danir þurftu nefnilega að lækka áfengisskattinn um 47% þann 1.okt og flestallir Svíar urðu grænir af öfund á meðan Danirnir urðu grænir af þynnku. Nú flýja Svíar í stórum stíl yfir landamærin til að fjárfesta í vodka á 1500 kall o.s.frv. Danirnir hafa hinsvegar miklar áhyggjur af að þetta auki neysluna (hún er 12 lítrar á hvert dannsbarn per ár tak for kaffet). Við gerum eins og hinir, flýjum kofann og þeysum yfir í land ofeldisins yfir helgina...
Kv,
H.
